El pastor ente los gochos

Rodríguez Medina, Pablo

descárgate

18,90 €

¿Qué podemos facer cuando la vida nos pasa penriba mentanto tratamos de siguir a flote?

¿Qué nos queda cuando’l mundu esbarrumba al rodiu de nós y namás somos a dar una respuesta tan buenona como inútil? ¿Cuando la vida nos pasa penriba mentanto tratamos de siguir a flote? ¿Nunca tuvistis la sensación del ser protagonistes d’ún d’aquellos llibrinos d’«Escueyi’l to propiu camín»?

Si quies escapar cola mocina de dieciséis años y dar un escándalu en pueblu, pasa a la páxina tal; si prefieres dir a Bélxica a trabayar demientres cinco años, amargáu, mandando perres pa casa, pasa a esta otra.

Amaro, el tíu Maro, vuelve del Caribe dientro d’un xarrón baratu, fechu povisa. En verdá, nin siquiera eso; quedar quedó reteníu nes Aduanes del aeropuertu y Quelo, el so amigu de correríes, prefier falsificar los restos eternos del so compadre con un xarrón de los chinos y les cenices d’unos garabinos enantes que presentase coles manes vacíes delantre de la güela Albina. L’ otru Amaro, Marín, el sobrín del difuntu, tien un futuru llaboral tan inciertu como la so rellación sentimental con Nayra, sobremanera depués d’una nueche desastrosa na fiesta de Les Tabayines. A la so esistencia precaria, al volante d’un Talbot Horizon al que nun-y baxen los cristales de les ventanes, namás-y faltaba romper cola moza y un tíu muertu nel estranxeru en circunstancies inciertes pa frañir del too y ponelu na casiella d’aniciu de la vida.

Si quies mandar a tomar viento a Nayra y lliate cola hermana de Nacho, pasa a la páxina siguiente; si prefieres mandalo too a tomar viento, nun faigas nada; siéntate y echa un pitu, y quédate mirando la vida, como’l pastor ente los gochos.

ISBN 979-13-87554-15-6

THEMA FBA

208 páginas

Rodríguez Medina, Pablo

(L’Entregu, 1978) ye llicenciáu en Filoloxía Hispánica, especialista en Filoloxía Asturiana y miembru de númberu de l’ Academia de la Llingua Asturiana.
Tien ganaos los principales galardones de les lletres asturianes coles noveles L’ Arna de San Atanás (Premiu Xosefa Xovellanos 2001), Les vueltes, toles vueltes (Premiu de Creación Lliteraria de l’ ALLA 2002), Fame d’ amor (Premiu Xosefa Xovellanos 2013) y El pesu de la nieve (Premiu de Novela Curtia Andrés Solar 2024). D’ ente la so obra poética destaquen igualmente Los desconocedores del agua (Premiu Asturias Joven 2001), Aires de mudanza (Premiu Teodoro Cuesta 2006) o Mil desiertos llugares (Premiu Asturias Joven 2012). Tamién tien andada la creación teatral, fastera na qu’hai que destacar la Orbaya (Premiu de Teatru de l’ ALLA 2002).
La obra de Rodríguez Medina pon siempre al ser humanu delantre la so condición, les más de les veces nun ambiente de ruralidá asturiana perdida, con personaxes en crisis que traten de sobrevivir ensin dexase arrastrar pola crueldá.

productos relacionados

La fuercia

Una novela de vaqueros y vaqueiros, protagonizada por un escritor alloriau que se mete nun enguedeyu curiosu. Martín…

14,90 €

Lluvia d’agostu

El 20 de payares de 1936 morría un home y nacía un mitu. Buenaventura Durruti, el mecánicu, el…

15,90 €